D Marx Brothers, Foti vo 1931. Vo ooben uf unde: dr Chico, Harpo, Groucho und dr Zeppo
D Marx Brothers si e amerikanischi Komikerdruppe gsi, wo dur Film, Färnsee- und Theaterufdritt mit musikaalische Iilaage bekannt worde isch und Komiker, wo noch ene choo si, maassgäblig inspiriert het.
D Marx Brüeder si us ere Familie, wo z Yorkville in dr Upper East Side vo Nöi York gläbt het, im ene chliine jüüdische Kwardier, wo zwüschen em irisch-dütsche und em italiänische Kwardier gsi isch. D Familie vo dr Mueter, Minnie Schönberg (* 1864 as Minna Schönberg; † 1929), isch us Dornum im Ostfriesland iigwanderet, dr Vater Simon Samuel (Sam) Marx (1859–1933) isch us Mertzwiller im Elsass choo, was iim spööter si Spitznaame „Frenchie“ iibrocht het.[1]
As Marx Brothers si ufdräte:
dr Chico (Leonard Marx, 22. März 1887 – 11. Oktober 1961)
dr Harpo (Adolph Arthur Marx, 23. Novämber 1888 – 28. Septämber 1964)
dr Groucho (Julius Henry Marx, 2. Oktober 1890 – 19. August 1977)
dr Gummo (Milton Marx, 23. Oktober 1892 – 21. April 1977)
dr Zeppo (Herbert Marx, 25. Februar 1901 – 29. Novämber 1979)
(Dr eltist Soon Manfred isch scho as Chind gstorbe, vor dr Geburt vom Chico.)
D Marx Brothers si uf em 20. Blatz in dr Liste vo de grösste 25 Filmlegände vo alle Zite, wo vom bekannte American Film Institute zämmegstellt worde isch.
Film
dr änglisch Ditel in Chlammere (OmU = Original mit Underditel)
1929 - The Cocoanuts (nume OmU), Reschii: Robert Florey, Muusig: Irving Berlin
1930 - Animal Crackers, Reschii: Victor Heerman, Muusig: Bert Kalmar, Harry Ruby
1931 - Die Marx Brothers auf See (Monkey Business), Reschii: Norman Z. McLeod
1932 - Blühender Blödsinn (Horse Feathers), Reschii: Norman Z. McLeod, Muusig: Bert Kalmar, Harry Ruby
1933 - Die Marx Brothers im Krieg (Duck Soup), Reschii: Leo McCarey, Muusig: Bert Kalmar, Harry Ruby
1935 - Skandal in der Oper (A Night at the Opera), Reschii: Sam Wood, Muusig: Walter Jurmann
1937 - Die Marx Brothers: Ein Tag beim Rennen (A Day at the Races), Reschii: Sam Wood, Muusig: Walter Jurmann
1938 - Room Service (nume OmU), Reschii: William A. Seiter
1939 - Die Marx Brothers im Zirkus (At the Circus), Reschii: Edward Buzzell
1946 - Eine Nacht in Casablanca (A Night in Casablanca), Reschii: Archie Mayo
1949 - Love Happy (Love Happy), (nur OmU), Reschii: David Miller
Anderi:
Humor Risk, 1921 - Churzstummfilm us Äigebrodukzioon, wo nie veröffentligt worden isch und jetzt verscholle isch
The Story of Mankind, 1957 - dr Chico, Harpo und Groucho häi chliini Näberolle und dräte nit zämme uf
Litratuur
Charlotte Chandler: Groucho und seine Freunde. Rogner & Bernhard, München 1984, ISBN 3-8077-0200-8 (Originalusgoob Hello, I Must Be Going, New York 1978)
Michael Barson (Hrsg.): Die Marx Brothers Radio Shows. Rogner & Bernhard, München 1989, ISBN 3-8077-0241-5 (Originalusgoob Flywheel, Shyster, and Flywheel, 1988)
Rainer Nolden: Die Marx Brothers. Rowohlt, Reinbek 2002, ISBN 3-499-50454-5
Ulrich Hoppe: Die Marx Brothers. Ihre Filme - ihr Leben. Heyne-Filmbibliothek Nr. 76. Heyne, München 1990, ISBN 3-453-86077-2
Glenn Mitchell: The Marx Brothers Encyclopedia. Batsford, London 1996, ISBN 0-7134-7838-1
Harpo Marx (und Rowland Barber): Harpo Speaks... About New York. With an Introduction by E.L. Doctorow. The Little Bookroom, New York, 2001 (=Reprint vo dr Usgoob vo 1961)., ISBN 1-892145-06-5. Harpo über d Chindhäit und d Jugend vo de Marx Brothers in dr Upper East Side.
Groucho Marx: Schule des Lächelns. Übersetzig vo dr amerikanische Autobiographii Groucho and Me von 1959. Fischer Taschenbuch Verlag, 1981, ISBN 3-596-23667-3
Filmdokumentazioone
Die unbekannten Marx Brothers (The Unknown Marx Brothers). Färnseedokumentazioon vom David Leaf und John Scheinfeld, USA 1993, 120 Minute