As Chilleunion bezäichnet mä meereri historischi Versüech, wo mä sit 1054 gmacht het, zum d Christehäit, wo sich in en orthodoxi Ost- und e katholischi Westchille gspalte het, organisatorisch wider zämmezschliesse, mäistens under em Primat vom römische Babstdum.
- 1253–1259: d Chillenunion vo Galic. Dr russischi Fürst Daniel vo Galič (Galizie) het sich dr Suprematii vo Rom underworfe, dr russisch Fürst Alexander Newski vo Nowgorod het abgleent.
- 1274–1281: d Chilleunion vo Lyon zwüschen em byzantinische Kaiser Michael VIII. und Rom, im Zwäite Konzil vo Lyon
- 1439: d Chilleunion vo Floränz zwüschen em byzantinische Kaiser Johannes VIII. und Rom, Kiew het zuegstimmt, dr Räst vo dr russisch-orthodoxe Chille het aber abgleent.
- 1596–1630: d Chilleunion vo Brest innerhalb vo Pole-Litaue mit Kiew, Kiew het zwar spööter widerruefe und isch bald druf russisch worde, aber die Ukrainisch-Unierti Chille z Lwiw isch bliibe.
Au wenn alli die Aasätz gschiiteret si, isch d Idee bin e baar Panslawiste (Križanić) vor allem in dr zwäite Helfti vom 19. Joorhundert (Solowjow) wider ufchoo, wäärend anderi Panslawiste si heftig abgleent häi.
- Michael Beyer, Ferdinand R. Gahbauer, Wolf Friedrich Schäufele u. a.: Art. Unionen, Kirchliche. In: Theologische Realenzyklopädie 34 (2002), S. 311-331
|
Dä Artikel basiert uff ere fräie Übersetzig vum Artikel „Kirchenunion“ vu de dütsche Wikipedia. E Liste vu de Autore un Versione isch do z finde.
|