Dr Hugo Wingler (* 18. April 1869 z Elze; † 1924) isch e dytsche Haimetdichter gsii. Mer chännt en au unter em Name Hugo von der Elz.
Är isch e Suhn vum badische Notar Adolf Wingler gsii. Sy Familie isch 1875 uf Mille zoge, wu dr Hugo derno mit sechs Gschwischter ufgwachsen isch. Är isch uf d Millemer Burgerschuel gange un het dr Markgrefler Dialäkt vu dr Region glehrt. Wu dr Vater 1882 gstorben isch, isch d Mueter mit dr Chinder uf Fryburg zoge. Dr Hugo isch dert uf s Großherzogli Gimnasium gange, wun er mit em Zyygnis fir dr Aijehrige Dienscht abgschlosse het.
Är het e Lehr bi dr Rychsboscht gmacht un no vier Johr d Assischtäntebriefig gmacht. In dr Aafangszyt het er in verschidene sidbadische Ortschafte Dienscht glaischtet bis er schließli z Fryburg Oberboschtassischtänt woren isch, wun er derno bliben isch.
Unter em Pseudonym „Hugo von der Elz“ het er Gedicht gschribe, vor allem uf Alemannisch.