De Friedrich Traugott Wahlen (* 10. April 1899 z Mirchel; † 7. November 1985 z Bern), vo Trimschtei und Bern, isch en Schwiizer Professor für Landwirtschaft a dr ETH Züri und Politiker (BGB) gsii.

Er hät scho i de Driissgerjahre d Selbschtversorgig vo dr Schwiiz mit Grundnahrigsmittel plant. Während em Chrieg isch d "Aabauschlacht" vo ihm mit viil persönlichem Engagement gfüehrt worde. Debii sind sogar d Grüenaalage i Schtädt zur Aapflanzig vo Herdöpfel, Zuckerrüebe und Getreide gnutzt worde, so dass en Selbschtversorgigsgrad vo 59 % erreicht worde isch.

1942 isch er für die Buure-, Gwerb- und Bürgerpartei in Ständerat gwählt worde. Vo 1943 bis 1949 isch er Professer für Pflanzebau an dr ETH Züri gsi. 1949 isch er Direkter vo dr Abteilig für Landwirtschaft an dr FAO gsi.

Er isch am 11. Dezember 1958 in Bundesrat gwählt worde. Am 31. Dezember 1965 isch er zruggträte. Während siinere Amtsziit isch er de folgende Departement vorgschtande:

• 1959: Juschtiz- und Polizeidepartement
• 1960: Volkswirtschaftsdepartement
• 1961: Politischs Departement
• 1961: Volkswirtschaftsdepartement
• 1962-1965: Politischs Departement

Er isch Bundespräsident gsii im Jahr 1961 und Vizepräsident im Jahr 1960. Siin Nachlass wird aufbewahrt im Schwiizerische Bundesarchiv in Bern und im Archiv für Ziitgschicht a dr ETH in Züri.

• Urs Altermatt (Hrsg.): Die Schweizer Bundesräte. Ein Biografisches Lexikon. Artemis Verlag, Zürich und München 1991, ISBN 3-7608-0702-X
• Friedrich Wahlen im Munzinger-Archiv (Artikelaafang frei abruefbar)

 Commons: Friedrich Traugott Wahlen – Sammlig vo Multimediadateie

• Peter Moser: Friedrich Traugott Wahlen In: Historisches Lexikon vo dr Schwiiz.
• Friedrich Traugott Wahlen i de Datebank Dodis vo de Diplomatische Dokument vo de Schwiiz

Dä Artikel basiert uff ere fräie Übersetzig vum Artikel „Friedrich_Traugott_Wahlen“ vu de dütsche Wikipedia. E Liste vu de Autore un Versione isch do z finde.