Fantasy (vo engl. fantasy) isch e Schaner vo dr Fantastik. Iiri Wurzle si in dr Müthologii und de Sage. So wie die äänlige Schaner Science Fiction und Horror findet mä d Fantasy in dr LItratuur und im Film, weniger in dr Muusig und dr bildende Kunst. Nöijerdings isch si au im Beriich vo de Gsellschaftsspiil, Kompiuterspiil, Pen-&-Paper- und Läivrollespiil verdräte.
D Fantasy stellt übernatürligi, määrlihafti und magischi Elemänt in Vordergrund. Vilmol brucht si Motiv us alte Müthe, Volksmöörli oder Sage. So dauche Sagegstalte wie Zwärg oder Zauberer uf, aber au Wääse, wo bsundrigs erfunde worde si, oder anthropomorfi (menschenartigi) Dier. Vilmol wird d Handlig in e fiktivi Wält verläit, dütlig andersch isch vo dr irdische Realidäät. S Fiktionale gältet innerhalb vom imaginäre Hindergrund als real.
![]() |
Dä Artikel basiert uff ere fräie Übersetzig vum Artikel „Fantasy“ vu de dütsche Wikipedia. E Liste vu de Autore un Versione isch do z finde. |