Boudevilliers | |
---|---|
![]() | |
Basisdatä | |
Staat: | Schwiiz |
Kanton: | Nöieburg (NE) |
Bezirk: | Val-de-Ruz |
Gmeind | Val-de-Ruz |
PLZ | 2043 |
Koordinate: | 558318 / 208827 |
Höchi: | 753 m ü. M. |
Flächi: | 12,57 km² |
Iiwohner: | 764 (31. Dezämber 2012)[1] |
Website | boudevilliers.ne.ch |
Hauptstraas vo Boudevilliers, Blick uf d'Chilä | |
Charte | |
![]() |
Boudevilliers (frankoprovenzalisch [a bydəvliː]) isch es Dorf i der Gmai Val-de-Ruz im Kanton Nöueburg.
Früener isch es en eigeni Gmeind gsii. Zum 1. Jänner 2013 het Boudevilliers mit dr Gmaine Cernier, Chézard-Saint-Martin, Coffrane, Dombresson, Engollon, Fenin-Vilars-Saules, Fontainemelon, Fontaines, Les Geneveys-sur-Coffrane, Les Hauts-Geneveys, Montmollin, Le Pâquier, Savagnier un Villiers zue dr neie Gmai Val-de-Ruz fusioniert.
Boudevilliers umfasst s glychnamig Dorf un d Wyler Malvilliers, La Jonchère un Landeyeux. Dr Bann umfasst 61 Prozänt landwirtschaftligi Flechi, 32 Prozänt Wald, 6 Prozänt Sidligsflechi un öppe 1 Prozänt sunschtigi Flechi. D Nochbergmaine vu Boudevilliers sin früener Valangin, Coffrane, Les Geneveys-sur-Coffrane, La Sagne, Les Hauts-Geneveys un Fontaines gsi.
Boudevilliers isch zum erschte Mol gnännt wore anne 1144 as Boldiwiler (1195 Boudeviler, 1195 Boudeviler, 1202 Boldeviler, 1413 Budevilliers, 1453 Budewillier).
Syt 1648 isch Nöueburg Firschtetum un ab 1707 dur Personalunion mit em Chenigrych Preuße verbunde gsii. Anne 1806 isch s Biet an Frankrych unter em Napoleon I. abdrätte wore. Im Zug vum Wiener Kongress isch s anne 1815 an d Schwyz chuu, doderby sin d Chenig vu Preuße aber bis zum Nöueburgerhandel 1857 au Firschte vu Nöueburg blibe.
Quälle: Bundesamt für Statistik 2005[2]
Johr | 1850 | 1860 | 1870 | 1880 | 1888 | 1900 | 1910 | 1920 |
Yywohner | 578 | 643 | 658 | 635 | 566 | 513 | 554 | 567 |
Johr | 1930 | 1941 | 1950 | 1960 | 1970 | 1980 | 1990 | 2000 |
Yywohner | 509 | 491 | 524 | 522 | 583 | 556 | 618 | 718 |
Dr Uusländeraadail isch 2010 bi 22,5 Prozänt gläge.
42,5 Prozänt vo dr Yywooner sin evangelisch-reformiert, 31,3 Prozänt sin römisch-katholisch (Stand 2000).
Bi dr Nationalrootswahle 2011 het s des Ergebnis gee: BDP 2,2 %, CVP 4,2 %, FDP 28,6 %, Grüeni 11,3 %, PdA 0,1 %, SP 26,2 %, SVP 20,4 %.
Boudevilliers isch tradizionell es Puuredorf gsi; hüt woone teil Lüüt dört, wo i de Betriib vo der Aglomerazioon Nöieburg schaffe.
Z Landeyeux isch s Bezirksspital.
Bi dr Volkszellig 2000 hän vu dr 718 Yywohner 86,5 % Franzesisch as Hauptsproch aagee, 4,2 % Dytsch, 3 % Italienisch un 6,3 % anderi Sproche.
Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn[3][4]