Binningen | |
---|---|
![]() | |
Basisdate | |
Staat: | Schwiiz |
Kanton: | Basel-Landschaft (BL) |
Bezirk: | Arlesheim |
BFS-Nr.: | 2765 |
Poschtleitzahl: | 4102 |
Koordinate: | 609643 / 264742 |
Höchi: | 292 m ü. M. |
Flächi: | 4.43 km² |
Iiwohner: | [1] | 15'631 (31. Dezämber 2022)
Website: | www.binningen.ch |
Charte | |
![]() |
Dialäkt: Baaseldütsch |
Binnige (offiziell Hochdütsch: Binningen) isch e politischi Gmeind im Bezirk Arlese im Kanton Basel-Landschaft in dr Schwiiz.
Binnige lit im Leimedal uf 292 m ü.M. und isch die letzti Gmeind am Fluss Birsig, bevor dä z Basel in Rhii fliesst. Sini Nachbergmeinde si im Süde Bottmige, im Südweste Oberwil, im Weste Allschwil und im Norde und Oste d Stadt Basel. Binnige het en änge Kontakt zur Stadt und isch beliebt as Wohngegend. D Flechi vom Gmeindigebiet bedreit 4.43 km², drvo si 68% Siedlige, 23% Landwirtschaftszone und 9% Wald.
Uf eme silbrige Grund isch e schwarze Pfahl mit drei silbrige Stärn
S Gmeindiwappe goht uf s Familiewappe vo dr Basler Familie «vo Binnige», wo vo 1292 bis 1300 bezügt isch, zrugg. Es isch im Jahr 1921 vo dr Gmeind überno worde.
Zwüschen em 11. und em 14. Johrhundert daucht dr Name vo dr Gmeind in verschiidene Variante uf, z. B. as «Binnengin» oder as «Biningin». Im Johr 2004 het Binnige die eltisti Nennig vom Ortsname in ere Urkund us em Johr 1004 mit eme grosse Fest under em Motto: "Botz 1000" gfiirt.
33% vo dr Bevölkerig si reformiert und 27% römisch-katholisch. Dr Usländeradeil bedrait 20.4%.
Johr | 1585 | 1774 | 1815 | 1850 | 1900 | 1950 | 1970 | 2000 |
---|---|---|---|---|---|---|---|---|
Iiwohner | 25 | 325 | 627 | 1’229 | 5’135 | 7’846 | 15’344 | 13’977 |
Sit 1993 verastaltet dr Verein „Comitato - Arte & Cultura Binningen/Bottmingen“ d Kunstusstellig "Arte". Si findet jede Herbst statt und het sich von ere lokale zun ere Usstellig mit internationaler Bedeiligung und themenbezogene Sonderusstellige entwigglet.
Sport wird in dr Gmeind ganz gross gschriibe. S Hallebad Spiigelfäld isch e Dräffpunggt für Jung und Alt und bietet näben em normale Schwümme zahlriichi anderi Sportmöglichkeite aa. Es git vili Verein für divärsi Sportarte. Dr SC Binnige isch wohrschiinlig dr bekanntist Schuttklub im Leimedal. Dr Handballclub HB Blau Boys Binningen ghört zsämme mit dn Partnerverein us Oberwil und Therwil zu de grösste Verein in dr Nordwestschwiiz. Under em Label HSG Leimedal si die interregionale Team ufgfüehrt. Au d Liichtathletik-Riige Binnige bietet qualitativ hochstehends Training a.
![]() |
Dä Artikel basiert uff ere fräie Übersetzig vum Artikel „Binningen“ vu de dütsche Wikipedia. E Liste vu de Autore un Versione isch do z finde. |