Was isch bassiert?
- 558: Bi me Ärdbidem gheit di flach Chuppel vu dr Hagia Sophia z Konstantinopel yy. Si wird in dr negschte Johr wider ufböue.
- 1190: Im vum Friedrich I. Barbarossa gfierte Dritte Chryzzug sigt e Vorhuet vu dr Chryzfahrer unter em Friedrich V. vu Schwobe iber e Heer vu dr Rum-Seldschuke in dr Schlacht bi Philomelion.
- 1809: Dr franzesisch Chaiser Napoleon Bonaparte behauptet z Wien, dr Papscht Pius VII. heb as wältlige Herrscher ufghert z regiere, un annektiert dodermit dr Chilchestaat.
- 1824: Dr mittlerwyli daub Ludwig van Beethoven dirigiert zämme mit em Michael Umlauf im Theater am Kärntnertor z Wien d Uruffierig vu syre 9. Sinfoni.
- 1850: D Schwyzer Bundesversammlig erlosst d erscht Aidgnessisch Minzgsetz, doderno wird dr Franken, yydailt in 100 Rappe, zur Ainhaitswährig in dr Schwyz.
- 1966: Z Milhüüse wird dr Place de l'Europe yygweit.
- 2006: D Glarner Landsgmai bschließt e Reduktion vu dr bishär 27 Gmaine uf drei zum Johr 2011.
- 2009: Di Europäisch Union bsigelt z Prag e „Eschtligi Partnerschaft“ mit dr Staate Armenie, Aserbaidschan, Georgie, Moldawie, Ukraine un Wyssrussland.
