1468
|
Champf uf em Ochsefäld am 6. Juli 1468 bim Sundgauzug vu dr Aidgnosse im Waldhueterchrieg.
|
- Waldshueterchrieg:
- April: S vum Adel stark in eme nit verchindete Chlaichrieg drängt Mìlhüsa iberfallt im Verdröuen uf dr vor zwai Johr gschlossene Bindnisverdrag mit dr Aidgnosse d Derfer Rixheim un Sausheim, wu em Adel ghere. Di vordereschtrychische Ständ zien derno am 15. Mai mit 4000 Mann vor Mìlhüsa un verwieschte dert d Gegnig. Am 18. Juni verchinde Bärn, Soledurn un Frybùrg em Herzog Siegmund dr Chrieg.
- 25. Juni: D Bärner un d Soledurner falle vu Basel uus im Sundgau yy, zien iber Blotzheim, Bartenheim un Habsheim Richtig Mìlhüsa un hinterleen e Spuur vu dr Verwieschtig. Zürcher un Schwyzer Druppe cheme noo. Zuen ere uffige Fäldschölacht chuunt s aber nit, d Aidgnosse zien derno am 16. Juli wider ab.
- 6. Juli: D Aidgnosse zien in dr Schwarzwald uf Sankt Bläsi.
- 20. Juli: D Aidgnosse zine uf Waldshuet. Am 29. Juli fange si mit dr Belagerig vu dr Stadt aa, dur Stryt zwische Züri un Bärn chene si d Stadt aber nit erobere.
- 16. Augschte: Uf Vermittlig vu Basel un andere fange Fridesverhandlige aa.
- 27. Augscht: Mit dr Waldshueter Richtig hert dr Waldshueterchrieg uf. In däm Verdrag verpflichtet si dr Herzog Siegmund vu Eschtrych-Tirol 10.000 Gulden z zahle. As Sicherhait dient dr Aidgnosse Waldshuet un dr vordereschtrychisch Schwarzwald. D Herrschaft Wessebärg sidli vum Rhy mit dr Derfer Hottwil un Mandach chunnt zue dr bärnische Landvogtei Schänkeberg.