- 5. Mai: Mit em Gfächt am Etzel fangt dr Alt Zürichrieg um s Erb vu dr 1436 im Mannestamm uusgstorbene Toggenburger aa. Schwyz unter em Ital Reding em Eltere siigt iber Züri unter em Burgermaischter Rudolf Stüssi in dr Schlacht.
- No dr Champfhandlige git s intänsivi diplomatischi Aktivitete. Uf Vermittlig vu dr Stedt Basel, Stroßburi, Konschtanz, Schaffuuse, Iberlinge, Rhyfälde, Raveschburg, Sanggalle un dr Bot vu Bärn, Lozärn, Soledurn, Zug, Üri, Unterwalde, Appezäll un Bade wird am 13. Mai e Waffestillstand gschlosse.
- Dr Papscht Eugen IV. schließt en Unionsabchuu mit dr griechisch-orthodoxe Chilche. Dää Erfolg, wu Hoffnige uf en Änd vum Morgenländische Schisma weckt, wu s syt 1054 git, verhilft em Papscht zue großem Ansääne un schwecht s papschtkritisch Konzil vu Basel. Dr Eugen IV. verlait s e baar Johr vorhär dervu abgspalte Konzil am 16. Jänner vu Ferrara uf Florenz. Dr Dail, wu z Basel bliben isch, setzt dr Eugen am 25. Juni ab un wehlt am 5. Novämber dr Amadeus VIII. vu Savoyen zum Papscht, wu si dr Name Felix V. git. Är giltet as letschte hischtorische Gegepapscht.